Piše: Vladek Antolaš – MASTERMIND
Rogati konj je zaprav slika koju je narisal Ivan Generalić, hrvatski naivec i začetnik suvremene naivne umjetnosti . Lepa je to slika na koje z jedne strane pase konj z jednem rogom, a na druge strane se tom konju skriti za drevo sčuđavaju vunja i vujec (a mortem teca i tetec). Konj z rogom zaprav ni ne pase nego spod snega čepelji i olizava kakvo suvo travo. Vidi se i selo v daljine koje spi pokrito pod snegom za tog zimskog dana.
Opisana slika je na prodaju i na tu temu su se si nakčili. Dal bi ju županija trebala kupiti ili ne bi za 220,000 evra.
Slika je zaprav neprocjenjiva i pravo nacionalno blago. Z tem razlogom bi trebala ostati med nami bez obzira na cenu. Da sem ja kakaov Generalićev nasljednik ja bi ju vam cenil i 300 hiljad. A kaj, nit sem ju risal, a novci navek trebaju. Tak da razmem i podržavam ovoga kaj trži sliku jer ipak neje na jedne familije da čuva nacionalno blago, a i od slike na zidu i nejine lepote se nemre živeti. Čak je to i velika briga pri stanju da ju ne fkradnu kakovi crni Mađari koji ovih dana kradu širom po Podravine (no to bu već tema).
Takva blaga se moraju redom ponuditi gradu, države, županije pa ak niko ne kupi ide v slobodnu prodaju.
Anketa veli da županija ne bi trebala kupiti sliku jer je skupa, Koprivnica je rekla da nema novce i župan je rekel da nema novce. I kak to biva pri nami na zestanku županijske Skupštine kreče cirkus povuci-potegni kaj bi se mogli Gruntovčani od nović snimati.
Željko Generalić, pardon , Lacković se javi da bi slika trebala v Podravine ostati kaj je i u pravu. Naglo se i on za kulturu zalaže dok v isto vreme nekulturne crlene obloke na zgradu stare općine nameće. Dok jedno zagovaraš v selu doma ti nikaj neje sveto. Novci nesu problem za Lackovića jer su to dva besmislena parkinga i jeden mičetinski rotor menje.
I tu kreče Gruntovec.
Sad je i župan Koren videl da bu ispal kulturocidni pa se dal razmisliti da bu novce našel na nagovor nezavisnog večnog “protukandidata”, a možda im je Rogati konj pak paravan i ulazna karta za koaliciju. Ko bi znal?
A narod bolje da se nikaj ni ne pita jer bi to bila klasična scena zestanka mesnog odbora Gruntovec – sve je lepo dok se ne pita za peneze.
Da je to kajdanka Olivera Dragojevića onda se ne bi čudil kaj ju mi Podravci ne bi možda kupili no, nažalost, mortem bi ju rajše i prije šteli nego Dalmatinci. Takvi smo mi ljudi.
Po meni treba slika ostati negde tu kod nas no nek ju kupe skupa svi gradovi i opčine i županija pa bu baš naša. Evo vam predloga pa razglabajte i glašite na skupštine. Saki načelnik i gradonačelnik nek riskira pol domjenka za novo leto i nek se svi skrpaju i nek kupe nacionalno blago.
Ma to je utopija jer da kupe onda bi se svadili v čijem bi ganju slika visela.
Bude kak bude al mene jedino kopka kuliko bi koštal Dudekov pevec kojega je na glajži narisal v podrumu teteca Cinobera , a pogotovo kad znamo da mu je pevec v kontra stran gledel dok se glajža obrnula na pravu stranu.
Da je dudek znal i pevcu roge narisal bil bi pravi naivec, a ovak je obični kakvi smo si i sami.
FOTO Arhiva
