piše: Vladek Antolaš – Mastermind
Eto, Sesvete su prešle i Dušni den takaj. Naravno da si te dane razmišljamo kaj smo čineči za svoju svetost i pokušavamo pojmiti gde su sveti ljudi nabirali bodove da bi uopće postali sveti. Svaki čovek dobi neku šansu da dobrotom i nekim svojim sitnim radnjama v životu stekne naklonost da sedi bliže Bogu dok se oprosti z ovozemaljskem svetom. Sitnica zaprav. Uz malo truda ili čak čistim talentom moremo širiti dobrotu po svetu pa se budu možda i nekoga od nas spominjali na svetek Svih svetih. O tome se dela na te den. Neje to den posvečen našim pokojnima, nego baš svetim ljudima. Dušni den ili Den mrtvih, koji je den posle Sesvet, je to ono da se poklonimo sjećanju za naše pokojne. Tak su, evo, tumačili i na jednom radiju. Mi smo obedva dana prisvojili za groblja i sjetu i tugu u sjećanju na pokojne.
Ok, možda i na Sesvete imamo pravo navijati za svoje pokojne koji su nama dali neke dobrote i svu svoju ljudsku svetost za života, no to valjda Crkva ne nameče na vagu jer ipak neje ta dobrota i žrtva oplahnula vekši dio božjeg stada. Imamo si pravo utvarati da su i naše bake dosegnule neku svetost za života. Mislim, bake su u pravilu najmilija i najtoplija sjećanja iz naših života pa zato eto, možda su i svetije nego kaj bi bil deda. Deda je ipak malo kao navek vragolan bil, makar je i pomagal i dobro za života delal, al eto, nek bude baka na broju 1. Svima nama kojima su riditelji otišli nekak pre rano, mi si i za nje mislimo da su podnesli vekšu žrtvu neg ovi koji još hodaju po zemljice crne. Naravno da to ne mora biti tak, al nekak naš mozak, da bi zaštitil srce, ne retko rano preminule naziva i anđelima koji nas prate i paze na zemlji pa i koji nas budu dočekali i zagovarali tam gore na nebu. Al mora nam svima biti jasno da ima anđela koji su med namami i koji paze na nas, a stvarne su i žive osobe, samo mi to tak možda ne vidimo, a upravo su ti ljudi kandidati da se jednog dana zovu svetima.
Najteža varijanta anđela i onih dobrih ljudi koje si Bogek prerano zeme k sebi su nažalost mladi ljudi i još deca roditelja. To se pak stvarno nema kaj tumačiti i to je van svake konkurencije u tuzi i boli, al opet, jedino opravdanje je da si je to tak dragi Bog štel svojom voljom i da te i takove moremo štovati svetima i anđelima makar ih nišće neje takvima preglasil ispred oltara. Te duše moremo slaviti i spominjati ih se na obedva ova svetka. Zapravo, celi ovaj tekst naslonjen je na kršćansko vjerovanje i religiju, no na Dan mrtvih se imamo pravo spomenuti i ljudi koji nisu bili religijski nastrojeni za života i njima se sme sveća zapaliti. Možda si oni jesu tumačili prijelaz z jedne forme života u drugu na nekim čisto biološkim tezama ili samo na promjeni energetskog nivoa, ali i to su bili ljudi vredni spomena. Ma, nedavni pogled na smrt mojeg prijatelja i vreme nakon toga sve do Sesveta, a koji je umro praktički sam i zaboravljen, dali su mi sve ovo na razmišljanje. Kaj vam oću reći – pa makar ste bil dobri i celi život delali, to vam nije garancija da vas se „bližnji“ budu i setili. Jedina istina je da vam budu sigurno došli na ostavinsku raspravu, a još prije nje budu vam po ormaru rakspali pa tek onda sveću vužgali ili vam z šupe drva zvozili jer se drva ne broje na ostavini.
