Pokri drva, skupa su

Piše Vladek Antolaš Mastermind

Budala i krivih drva nikad ne bude faljelo. Tak vele pametni ljudi, no kak stvari stoje, jedino budala ne fali, al drv već pomalo da. Mi smatramo da je normalno da drv ima i da se bumo greli kak se šika jer plin em je skup, em nemre radijatore naterati na maksimalu. Normalno je da se po hiži golesa dok v peći divljesa fina grabrovina. I dolazim do dobro znanoga „ali“. Ali drv skoro pa nema. Ovak stvari stoje, „višemetrica“ je sveta reč koja se šepće od sad i ne izgovara se na glas. „Ekipaža“ je mit, mit za koj smo nekad čuli i znali, a sad je samo negde u sečanju, memoriji našeg podravskog kraja.

Oni koji se greju na drva znaju dobro kaj govorim, a ostalima da pojasnim.

Naime, netko se u šumariji dosetil sva drva prodati na veliko da se melju u ivericu i nameštaj, a male kupce ko j**** .  Ostala raja na suvo. Mali ljudi navek nadrapaju. Ako se firma zove Hrvatske šume, onda valjd za tolko moru biti na strani malih ljudi, a ne na strani kapitala. Tak ispada, da se ne bi snebivali nekaj, ali meni zgleda da se šumarija priklonila sistemu da ide debele guske vrata mazat, no onda nek obrišu ovo „Hrvatske“ ako je tomu tak jer neje fer da se nemre do drv dojti. Pogotovo neje vredu u ova krizna vremena dok cena plina divlja. Znam, znam i drva su sad skupa, al opet zide jeftineše nama koji ne živimo na morskoj pjenici i dušekima od perja. Ne išču ljudi za badava nit nemru svi zeti liniju od lugara v šumi da si zdelaju, ali bi ipak pristojno platili ekipažu višemetrice jer zima neumorno dolazi svake godine, ako niste znali.

I ja sam jedan od onih koji smo naivno uleteli u ovu situaciju i kojima su ljubazno objasnili da takvih drva više nema na našem kraju.  Đurđevac je postal višemetrica free zona. Nema ni upisa niti se more kapariti na šalteru u Šumariji.

Dok ovo pišem, vozim se put Osijeka i upravo sam u Novom Senkovcu pred dve hiže videl milnog grabra (višemetrice naravno), naslaganog kak vojska i kak da se ne pitam kak negde drugde more, a pri nas ne. Navek smo bili napredni i posebni mudrijaši.

Je, ove godine bude dobra agacija ili pak crveni hrast kak vele Dalmatinci. Crveni hrast vam je, ak neste znali, jalša (joha). Jalšu nakupci na moru trže pod crveni hrast, a za taj hrast u Dalmaciji vele – lak ko pero, a gori ka papir.

Eto, kak je krenulo, budemo morali poduzeti možda i krajnje drastične mjere a to je da budemo zeli motorke i v svoje privatne šume išli se namiriti za koji meter drv. Možda da se i malo oko mekote očisti ili podolje v goricaj da se posmica.

Ne znam kaj bi rekel. Znam jedino dok se z Đurđevca uputimo na svate ili na teren nekaj delat, ili možda na more na sezonu ili (zakaj ne) kupat se samo, budemo se vračali z Hampovice nazad doma, al ne glet jel je hiža zaključana, nego jel su drva pokrita. Zato, čitaoče moj, pokri drva, skupa su!

Facebook
Twitter
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI