piše: Vladek Antolaš
Da je prodaja magle politička disciplina, to smo znali i da toga ima i kod nas v Đurđevcu, al da je ta prodaja megle dobila i svoj spomenik, to nesmo mogli nišće očekivati. Naime, nova rasprta fontana na presipanom trgu zapravo neje fontana nit vodoskok kakvog su kulki očekivali, već je ni menje ni više tvornica megle – meglenka. Možda je ta meglenka samo hitanje megle od strane projektanta jer se štela neka novotarija napizditi na trg, al je eto ispal politički simbol hitanja megle narodu v joči za naše pare. Neki den nekaj sem se muval po trgu i dok je megla šiknula z te meglenke, bilo me je malo i straj. Prvo sem mislil da im se nekaj strgalo i da je voda zakuvala jer se megla hitila v zrak i otpuzala prek cele ceste do pošte. No posle je i meni bilo jasno da je to ta nova i lepa fontana tak i napravljena, da hiće meglu. Imali smo mi još i sreće da nesu sprojektirali kakvu peskaru polek pa da nam još i peska hiću v joči.
Ok, kak se vidi, ovo je imitacija crni jarkov jer je voda vu fontane crna i mutna, a na sredini je zasađena crna jalša. Stvarno je lepo i monumentalno, no malo ipak preveć vleče na crnjak i dok šikne ta megla, dobijamo dozu depresije. Meni je megla skroz depresivno agregatno stanje vode i iritira me dok mi se pod trepavice podvlači pa budemo sad tak eto svaki den na trgu imali depres zonu. Ta crna voda i crna jalša me podsetila na Mrtve močvare kroz koje gaze Frodo i Sam u pratnji Golluma na putu u Mordor, kam nose jedinstveni prsten na uništenje. Eto, toliko koliko se ja ne kužim v nikaj, al jedino se ta crna monument meglenka paše nuz onoga crnoga partizana. Imal sam prilike čuti i komentare da je ta megla imitacija paljenju žice v Stiski i omaž tome. Eto, kolko ljudi, tolko i mišljenja.
Većini je sigurno lepo, a moramo priznati da je, lepše je nego kak je bilo neredno zadnjih 25 let. To ja moram pofaliti makar mi fale nejdu. Rekonstrukcijom trga dobili smo novi park i sad smo malo zbunjeni jel park ili još navek trg. Trgopark, ajd da tak nazovemo, je lepi jer je novi. Budemo vidli kak bude za leto dana, mada je i sad već saka druga betonska kocka pukla na pol pa se tak ja bojim da kaj je lepo kratko bude trajalo. Po meni je sega puno nahitano i dobili smo šumu detalja koji kradu mir i kroz koje se putnik namernik mora snajti da prejde z jedne strane trga (parka) na drugu. Sve je komplicrano i zametano preprekama, a trg takov ne bi smel biti, već prozračen. Umesto da je trg monumentalan, on je šumast, a eto, meglenka je ta koja je monumentalna. Al kaj se ja razmem?
Najte se obazirati. Novo je, lepo je i prelepo je. Uz svu tu lepotu i skrivene simbole naj bedasteši je i dalje on šoder, koji se i dalje razvlači po celome trgoparku v kojem ljudi zagreznu ako prek njega idu prelazit. To je i dalje totalni dibidus celog projekta. Da podvlečemo crtu. Novi trg ko park je lep, trg je popušil ko trg, al je zato sad park. Ono malo trga kaj je ostalo zapravo je mali prostor na kojem bude za vreme okupljanja zgledalo da nas je navek puno i tak bude trg navek pun ljudi. Da na koncert dojde 50 ljudi, kaj v Đurđevcu i neje retko, pa da moremo reći „Bil je trg pun sve do parka“, a dok dojde prek 100 ljudi, budemo pisali da je trg bil pun, a ljudi su čak i po parku stali! Znaći palac gore!
