piše: Vladek Antolaš – Mastermind
Ako pohapse sve ministre, ko nam bude cestu dovršil? Čitam, gledam i slušam pa vidim da su uhapsili još jednoga ministra. Ovaj put zdravstva. Sreča da nesu onoga od cesta i prometa jer bude palo u pitanje otvorenje radova na brzoj cesti prema Koprivnici, preko koje bi se i mi z Đurđevca mogli negdar do Zagreba dosmicati. Stvarno se postaje sprdnja pa tak, eto, i ja malo da se konačno sprdam na tuđi račun.
Neje prešlo valjd ni mesec dana od kad nam je Plenković jubilarno po stoti put obečal izgradnju brze ceste. Obečal je tu „sudbonosnu“ cestu da pikne koji glas na izborima koji su bili i koji dolaze. Obečal, al kome je to uopće više važno i kome je to uopće više vest? To ko da još jemput vritneš magarca koji odavna na podu mrtev leži. Svako daljnje obećanje oko te ceste je direktno omalovažavanje i prst v joko sima nama. Tak da evo saveta svim političarima – najte više uopće ikad spominjati tu cestu, samo ju napravite više. Kurcu ste dodijali, a kaj ne bi nama. Ovo kaj su Beroša uhapsili, to me ne čudi nit sem iznenađen, pogotovo dok vidim koja ekipa trgovcov i žetonov drži štangu vlasti v Saboru tim istim ministrima.
Pisal sam već o tome i o očiglednoj prevari na ovim izborima, de su se venčavali naši Nezavisni i Domovinski pokret s očiglednim interesom samo za fotelju. Predvidel sam ja da se i taj nakaradni „brak“ mora raspasti i raspal se. Domovinci se raskolili, Laci je načelno podržal Radića i njegvu novu stranku, pljeskali su i slikali se on i Janči i na „otvorenju“ nove stranke, no „trgovina“ je jakša od njih pa su i dalje ostali zlizani uz vlast. Nažalost, tak ti je to i to ti je tak, da baš i samoga Plenkovića uhapse i da Lacković bude opet sudbonosni 76., on bude podržal svoju staru stranku iz koje je potekel. HDZ u srcu! Mislim i to je nebitno ako je za dobrobit našega Đurđevca pa nek se izgradi sve i sve zasfaltira i mi budemo sretni makar to koštalo još uhapšenih ministara, još mita i još korupcije.
Nama ko narodu budu još dugo zaštopane frule demokracije u koje mi kakti zdušno pušemo. Mi bi i mito i korupciju dok nama treba na nekim sitnim razinama, mi bi prek reda doktoru, mi bi imali vezu da dete v srednju upišemo, mi bi malo da se v gradu sestra zaposli, al eto, ne bi da nas hapse. Pa eto, i Beroš je čovek isti ko i mi i nemate kaj zameriti. Nemate kaj zamerati jer smo to znali i prije i opet smo iste ljude slične nama birali na izborima. Birali smo njih i ove koji takvima drže dušeke pod guzicom sad dok padaju da ne cocnu na trdo. Ja vam samo oču reči da mi z Đurđevca, dok smo dali glas za našeg saborskog, dali smo svjesni direktnu podršku i tom nekom Berošu i svim Berošima koji budu došli jer kak zgelda, naš Laci je zlatni padobran za takove kakve denes hapse i ne bu ni pomislil rušiti vlast koja je premenila ministrov više nego jedna rit toalet papera.
