Piše Vladek Antolaš Mastermind
Ak se sečate Kolinde Grabar Kitarović, prve dame HDZ-a koja je u svojoj kampanji za predsjednicu rekla: „Već imam dogovore s nekim državama da nam Hrvati odu na obuku negdje drugdje i da se vrate u Hrvatsku, da rade preko interneta u nekoj drugoj državi, a u Hrvatskoj zarađuju 8000 €, zamislite 8000 € za naše mlade šta to znači …“ I tak Kolinda neje postala predsjednica, nego ov Zoranče namrgodan, ali HDZ se svojski trudil da se ostvare Kolindine reči koje nam još zvone po vuve.
Skoro smo blizu cilja iz ovog obećanja.
Pod jedan, mladi nam mahom odlaze u inostranstvo na obuku, samo je u većini slučajeva bauštela vu pitanju, a ne posel prek interneta. Logično (bi rekel Čombe) jer za obuku poslovanja prek interneta ne putuje se nikam, neg ju obavljaš z doma prek istog tog interneta.
Pod dva, mladi se puno i vraćaju z tuđine, al ne jer se tam bolje živi, nego se mora i delati pa dok skuže k tome da Švabo više ne zapošljava baš svaku šušu kolki se vrnu, kolki se rasplaču i doma vrnu od samospoznaje kolko vrede.
Treča istina z Kolindinog obečanja je ova plaća od 8000 € dok Kolinda cikne na na sav glas: „…zamislite 8000 € za naše mlade šta to znači„ jer stvarno još od toga dana mladi samo zamišljaju kakva je to lova, a bogme i starci. Ja si nemrem zamisliti koja je to lova i da mi neko porine takvu plaću bi ponorel, pak nesem v nadzornom odboru.
Četvrta istina je surova i tužna jer se jedina ostvarila iz ovog obećanja kojem smo se smejali dok je bilo na televizije, a to je da nam plaće ipak budu skoro 8000 €, ali na godišnje baze je zišlo, ne mesečne, ne tjedne, nego godišnje. No jad jadni i to je pod upitnikom jer je više 5000-6000 €, a ne 8000.
Možda sem se prerano poveselil da HDZ ispunjava obećanja.
Pas mater i napretku.
Realno je jedino samo da nam plaće budu u eurima, sve ostalo je enigma.
Kad bi se ipak po prvi put ostvarilo neko političko obećanje, onda bi po obečanom mesečnom maksimumu sa 666 € mladi mogli iti k vragu jer je 666 vraški lepi broj. 5000 kn (po današnjoj valuti) lepe plaće je ispunjenje mladenačkog sna. A kaj bi više šteli? Pak je to prema tečaju konverzije čak i menje od 666 pa ispada 663€.
Blistava budućnost vam se kaže u Eurozoni, dragi moji mladi.
Ak se pitate zakaj ovo pišem, pa eto, ne bi verovali, ali meni su se neki mladi obratili neki den na kave i kao „Vladek napiši nekaj o mladima v Đurđevcu“. Pa evo rezultat.
No, Đurđevec načelno daje puno za mlade dok im trži jeftina gradilišta v one močvare pod Gornje Vrte, ali i organizirali su, kak vele, najveću konferenciju za mlade pod nazivom Inspirativna Podravina na koju po slikama s portala i nesu baš nekaj mladi nahrlili. Valjd je bila slaba reklama i motivacija bez obzira na kvalitetne govornike. Možda je to bil ipak poligon za odgajanje novog vala mladih nezavisnih političara, ostat će misterij. Jedina stvarna pozitiva je Bend Mladi v kafane pod upravom grada i to je realna maksimala zasad vezana na mlade.
