Piše Vladek Antolaš – Mastermind
Svojedobno dok sam hodal oko politike ko prase u cekeru čudil sam se kak su si ljudi z Mičetinca zaželeli novu mrtvačnicu mimo ponuđenog uređenja vatrogasnog doma kombiniranog ko u Sv. Ani koji se po potrebi pretvori u mesto za posljednji ispraćaj pokojnika, a sve ostale dane pod normalno da se koristi ko pravi “zadružni dom”. I onda sam si ja domislil zakaj su si ljudi šteli baš mrtvačnicu, jer im je to perspektiva zapravo, perspektiva sela koje stari i nažalost odumire i jasno je da im u tom trenu vrtić neje imal smisla.
Isto tak je Severovcima bila perspektiva asfalt do Grkini da imaju kak putovati na miru dalje put Molvi za Koprivnicu da valjda zaobidu Đurđevec, ili v Suve Katalene je bila perspektiva i želja obnova škole i brzi (ili bilo kakov) internet jer eto tam ima više mladog sveta. Tak bude perspektiva i Čepelovcu da idu peške po stezi do Đurđevca ako se ta steza ikad napravi. Jedino Sirova Katalena ko da nema perspektive ili je jedino selo “faćuk” za našu vlast, no to je neka druga tema.
Možda ste skužili kam tera ova moja štorija, a to je pitanje kaj je Đurđevcu perspektiva ako se najbolja pozicija u gradu dodelila za starački dom. Znači, moremo si pomisliti da je starost ta koja bude prevladala na kraju krajeva ili to samo “dragi vođa” na sebe gledi i projicira svoju perspektivu. Znam, znam, zločest sam, ali opet smem valjda propitivati situaciju.
Saka pila se more postaviti naopak pa tak i ova. Zar ne bi bilo bolje da je starački v Boriku gde je hostel pa da starce raspuste u prirodu na friški zrak nego budu ovak gluvarili po asvaltu i zvali 112 saku noć dok neka veselija nestašna ekipa po centru nedaj bože zapjeva od opijene mladosti i sreće te uznemiri im starost, a mogli bi zamerati dok bude jakše navijanje na ŠRC-u dok Graničar zajde rang više, no to, ajd, još ne bu dugo dugo, kak zgleda.
Ne brinite se, nije starački jedina perspektiva, perspektiva grada su i manjine i socijala, krčma i turizam, samo proizvodnja i poljoprivreda valjda nisu.
Pozitivno je da bude konačno taj starački dom pa makar i v centru, ipak je to potreba više nego perspektiva. Po meni je na krivomu mestu.
Ljudi komentiraju da bi bilo bolje da se kupila zgrada od INA-e i tam da se napravil pravi veliki dom za starije, no nekaj je u pregovorima zaštekalo pa se ta ideja neje ostvarila. Kak je – tak je. Znači, plus za projekt, a minus za poziciju od mene. Kaj se tiče perspektive grada, ako se krene uređivat mrtvačnica na groblju iz iskustva Mičetinca znamo kaj nas čeka. Taman se razraste nova živica između aleja i svi moremo na miru vmrti kak Maga Helapova – Babica z Gruntovca ako se ne predomislimo. Zaprav, se je bolje nego pod sečom na Hrastovečkom groblju.
Eto, mene se to ne dotikavlje pa tak morem komentirati ak budem, kak živim, skončal na brdu v Zdelicaj, v kleti ako me prije nešče ne zatuče.
A kak ste vi nakanili? Koja vam je perspektiva?
