Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Limitator: Prokleti eurocenti

Kusur
Došlo doba da se kusur čebra. Ljudi  v redu na kasi fkočeni dok trgovčica ne zvrne i zadnji eurocent, zrak stoji, za to vreme se nit ne diše. Svi smrznuti ko spomenik palom borcu, samo im puška fali. Pajdaš je pak platil rundu (bila 7 eura) i  rekel po staroj naviki bez kusura, konobarica se raspala od sreće, a on prebledel jer je skužil da bi to „bez kusura„ koštalo ga 22 kune, a svejedno ju na fajruntu ne bu vozil doma.
Žotaki
Žutakov od 5 i 10 lip nigdar više u opticaju, imam osećaj da su ljudi razgrinjali nameštaj, odmekivali frižidere ne bi li našli koji zaostali žutak pa da ga ponosno još uvale v pekari za žemlju koja im se ni ne je, al ipak da ne propane 2 kn 40 lip.
Ljudi hodaju pod teretom želježnjakov ko da cimenta nose dok se deka zaleva.
Kava
Kava je pak postala najjakša batina u rukama obračuna politike, naroda i poduzetnika. Čitam tak da se svi snebivaju jer je kava poskupela z 9 na 10 kn. Po mojem mišljenju svaka birtija z malo čistešem zahodom more naplačivati kavu i 2 € (14,85 kn). Ne znam čemu tolika panika da bu nekaj skupo, odi braco na more pa popij onu poterušu za 5 € ili si kupi pečenjaka na plaži na kredit. Sto put sam rekel da fučkaš državu koju budu birtije spašavale.
Tak dok svi glede v cenu kave, nišče se neje ni setil više onih pizduna koji su popalili milijarde z INA-e.
Politika
Politika vrišči ove dane da su trgovci, ugotitelji, pekari (i svi) lopovi, a mi bi u ova krizna vremena morali jednako svi podlečiti svoja pleča jer su nam oni za NAŠE novce smanjili struju, cenu plina i goriva. Mene pak jako zanima kak se nesu setili da nas oni vode uz milijonske afere, torbarenja na carinama, manipulacijama poticajima i svim finesama od vremena privatizacije i da ova kriza neje našom zaslugom. No zaslugom istih ili sličnih vlasti mi nemamo ni cvonjka v rezerve. Zapravo negde novci jesu na vrpe, al ne kod raje. Skoro sam zapital ko bu ovaj put kune vozil na spaljivanje?
Posel
Kaj se posla tiče, uvođenjem eura ništ se ne menja, delati se mora. Idu plaće po 600 €, penzije 200, a socijala 100 €, ajd, ko ubode 800 plaće je već baja, a o hiljadarki ne smemo ni pomišljati. Zakaj je to tak? Pa nas su, navodno, vu svetu naš presvetli premijer reklamiral da smo zemlja snova z jeftinom radnom snagom. O pas mater! Pa mogel je komotno reči da smo vredni, pametni, fletni i skupi, ne bi mu kapa z glave  frknola. Na tragu toga bi mogel reči da je Koprivnica srečna jer najvekša firma dela velike pogone tu pri njima, no ja se pitam kaj to nesu v Čakovec išli delat? Povem vam ja, je im ne tam radna snaga jeftineša neg v Koprivnice! Tak da vam je i to z jedne strane figa v žepu, a i v Đurđevec ko god dojde, dojde da bu jeftine težake imal. Jel to normalno? Tu majstor za menje novce dela nego da na moru ponjave pere v apartmane.
Preračun
I tak! Z eurom nikaj novog, jedino sad direktno bez preračunavanja vidimo kakov smo jad s plačama dok se z Evropom usporedimo pa nam sve zgleda skupo, a nišče ne misli da smo mi jeftina roba zaprav. I najjeftineši uhljeb je skuplješi od nas, zato ne se srdite na konobare i trgovčice, nego tresite ruške.

Facebook
Twitter
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI