Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije
Moglo bi se rešenje napraviti da se oče

LIMITATOR: Zakaj nema ležečih policajcov de ih treba?

Piše: Vladek Antolaš – Mastermind

Snočka je neki kreten motora nateraval po vulicaj, a nama rasprti obloki jer je već vručina, tak da smo mogli svi uživati u reskom zvuku mrske mu mašine. To se deračilo i gas dodavalo do duboko v noć ko da mu je motora tata kupil. Ak si ga je sam kupil, isto mu nebu dugo dural. Tak more mašina jedino zaribati. No, ok, nesem mehaničar i ne razmem se.

Ja sam se pak setil razgovora od neki den kak slično tak neki čovek svako ranje v isto vreme jurca po Radničke dok ide na posel. Nadam se da taj ne obudi celo vulico kak je ov snočka pol grada. 

Znači, imamo najmanje dva luda motorista v gradu – jeden Night Rider (noćni vozač) i jedan Bandito z Radničke. Naravno da je tu i Bluebird (plava ptica); on nešče ide z plavem pasatom za kojem gume redovito cvilje. Ima nas, nek nas je. 

Postavilo bi se pitanje de je tu sad policija i policajci, no kak to biva, mene se ne dorikavlju hodajući policajci neg ležeči. Zakaj nema ležečih policajcov de ih treba?

Na temu Radničke ulice koja vapi za ležečim policajcima vodil se konstruktivan razgovor žitelja te vulice neko ranje na kavi i ostal je sledeči zaključak/ci .

Zaključili su ljudi da tam živi prek 60 dece  ja se nesem mešal, al im verujem na reč) . Zakljucili su i da se tom vulicom velika večina šoferov brzo vozi i da neje Bandit z Radničke jedini.

Još su zaključili ljudi da strahuju za decu makar je steza sastrane, al deca su deca i neje lepo čuti kak sako malo auto preleti.

Rekli su oni i da su v gradu pitali za pomoć, da bi im deli ležeće policajce da se Radnička podeli na tri dela pa da se barem malo usporava promet.

No, rekli su i da ih je grad odbil jel nesu 200 metri od škole pa im sad neje jasno kak od predsednika GV-a hiža onda valjda je 200 metri od škole kad su tam oko njegvog tri ležeća. 

E, tu sam se ja uključil i za šalu rekel da ima možd 200 metri, al ak su merili od Kalnovečke škole pa smo se svi slatko smejali. 

Smejali su se i ti ljudi z Radničke, al im neje bilo do kra smešno. Kak si je Bog prvo bradu sebi složil, tak predsednik mirno spi opasan z tri ležeča policajca, a oni na Radničke nemru mirno spati dok znaju da svi jure po njihove vulice ko sumanuti polek dece koja idu v školu, a svi znamo da su deca deca i da dečja nepažnja plus brzina vozača nesu dobra kombinacija.

Mislim zaspu i ti roditelji na Radničke, al ih pred ranje pak budi on Bandito.

Moglo bi se rešenje napraviti da se oče – ak nemru ležeči policajci iz nekog neobjašnjivog razloga, onda tu nastupaju pravi, hodajuči policajci pa nek večno stoje tam i mere nam brzinu. Zamislite kam je to doteralo da su ljudi željni videti policajce, pa makar ležeče.

A kaj ti misliš, dragi čitaoče, de bi još trebalo ležečih policajcov ? Očigledno da ima još kritični mesta i bu ih navek, jer svi šoferi nesu na mestu.

Eto. I tak smo se mi z te kave razišli nasmejani jer su sigurno merili od Kalnovca.

FOTO: Podravski list

Halo, Podravski!

Imate priču, vijest, fotku ili video?
Nešto vas muči ili želite nešto/nekoga pohvaliti?
Javite nam se!

NOVI PODACI O BDP-U PO STANOVNIKU OTKRILI BOLNU ISTINU

Hrvatska se razvija duplo brže od naše županije. Gdje smo zapeli?

U TEŠKOJ PROMETNOJ NESREĆI OZLIJEĐENE DVIJE OSOBE

FOTO/VIDEO: Mladi vozač kombija izazvao težak frontalni sudar Audija i Škode

DINO, MARIO I GORdan OTKRILI SU NAM DETALJE

VIDEO Na zgradi HEP-a sutra će osvanuti impresivan grafit

DOJAVA O POŽARU U TRGOVAČKOM CENTRU

UPRAVO Panika u Eurospinu

TEŠKA PROMETNA NESREĆA U KLOŠTRU PODRAVSKOM

FOTO/VIDEO: Mladi se vozač (19) Golfom zakucao u drvenu banderu. Prizor je šokantan

Podravski na mjestu događaja

UPRAVO Teška prometna nesreća na Podravskoj magistrali, muškarac prevezen u bolnicu

Search

Upišite pojam koji želite pretraživati