Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije
ĐURĐEVAČKI LIMITATOR

Najbolje bi bilo da se zima vrne kak se spada

piše: Vladek Antolaš – MASTERMIND

Zima nas je ipak malo oleznola, makar i na kratko. Donajposle nemamo se kaj ščuđavati, jer smo lane živeli v rekordno toploj godini. Veselje je videti kak sneg napada i prekrije sve na istu farbu i pretvori se mekote i se pute, dvore i zakutke vu jednaku nevinost. Tak se zgledi čisto. Sneg je doktor kamuflaže i iluzije. Dok veliš sneg, mam se spomeneš i ralice, one iste koja šahte nadiže i one koja Farbarovoga brega oliže. „Grtalice“ su za ove bezsnegovske zime loš biznis no eto, ovih dana ima nade i za tu granu proizvodnje v našemu Kalnovcu.

Još je zanimljivije videti jel je sneg iste te ralice i zimsku službu opet iznenadil. No taj del ostavljam vama na procenu. Ja samo znam da dok sem nedavno išel z Bjelovara (bokte) da je asfalt bil zglancan i nasoljen. Nekak mi se vidlo malo bolše odmetano na Belovarske strane, ko da bi crtu pri Bilogorske povlekel. Zaran mi se pak vidlo kontra, na naše strane je bolje bilo odmetano. Vrag bi ga znal. Sneg je večna tema. Evo prve pahulje, pada i evo ga,  statusi koji redovito prate baš taj prvi sneg su na društvenim mrežama. Zakaj svi moramo poslati slike prvog sneška i prve grude. Zakaj mam vlečemo tak malu decu na slikanje po snegu? Valjda jer smo ga željni i jer nam je stvarno za veliko. Fali nam. Da, fali nam jako i mi ga zaprav volimo više nego smo kadri priznati. To ko dok doje teca z Njemačke sako treče leto na dva dana. Dugo je nema pa nam je za vekše nego ova rodbina koja nam se cele dane omata oko nog. Em je dugo nema, em bolje poklone nosi. Tak i sneg. Nema ga, nema, al dok se malo te beline navleče prek krovov, mam nam poklone donese.

Ta zimska idila nam je poklon. Poklon su i sečanja na najlepše zime. Dok se setiš snega, setiš se mam i bake koja ti je grela kapu i sušila rukavice na štednjaku posle sanjkanja. Sneg nostalgiju donaša. Baš me zanima el dok budu strošine curele, jel budemo sige lizali. Eto pa sem celi snegast. Mirno, lepo, belo. Stari Grad kapu ima, led se i na deve nakupil. Nek traje još koji den. Najbolje bi hilo da se zima vrne kak se spada. Da se težaki odmore, da se pičino zidari, asfalteri, šumari i svi koji pod vedrim nebom delaju. Svi su si ukalkulirali da zime više nema i da se dela durh marš. Sezona da traje 12 meseci, a eto njega, snega. E, a sad malo da se doma bude i po goricaj da se kobasice peču, barem tih tjeden dana snega. Jen mladi pajdaš mi je denes rekel da kak je tak zima, a bilo je -8 C haha, a kaj deca znaju da je zima tek dok grane v šume pucaju. Zima je tek onda dok ti se nosnice zalepe ili nedaj bog da ideš železnu banderu lizat. Takve zime ja pamtim. Onu zimu dok se srež z nutarnje strane obloka zakeljila i čim si huknul v steklo zvezdice su nastale. Je, oblok je bil mali, tenjko steklo, hiža z jedinke cigle zidana, pod zemljeni, al je srce svima bilo puno i vekše. Tu bi zimu ja nazad, a ti?

Halo, Podravski!

Imate priču, vijest, fotku ili video?
Nešto vas muči ili želite nešto/nekoga pohvaliti?
Javite nam se!

VEČER FOLKLORA U GOLI

FOTO Prekodravci uživali u tradicijskim pjesmama i plesovima

VIDOVO U PITOMAČI

FOTO/VIDEO Degustira se gorički paprikaš, kulturnjaci i sportaši promoviraju svoje aktivnosti

Već drugi dan su probali što su napravili

FOTO Prvašići iz Podravskih Sesveta na nastavi domaćinstva učili su kako kiseliti krastavce

Raspisan je javni poziv

Ova općina za svako novorođenče jednokratno isplaćuje tri tisuće eura

Mališani iz Molvi istaknuli su se super rezultatima

FOTO Načelnik ugostio male olimpijce

ZBOG NADVOŽNJAKA I NEMARA RADNIKA IMAJU VELIKE PROBLEME

VIDEO Stanari ogorčeni: “Da se žaba popiša mi već plivamo, po dvorištima nam plutaju fekalije”


Search

Upišite pojam koji želite pretraživati