piše: Vladek Antolaš – Mastermind
Svaka priča kreće z moje uže i šire lokalne sfere, de mi se paraleno vrzmaju kojekakve misli z mojega života. Pa eto teme koja je zažarena ove dane, a ja se sečam da smo tak već živeli. Sedimo mi na kave, jedna faljena ekipa, sake nedelje v jedne faljene birtije, de gazda stalno runde zove (no to sad neje tema). Sedimo mi tak i vidimo da nam brojno stanje ne štima. Fali nam Bunc. Pa de je on? On se javlja porukom da je v Slovenije v šopingu i slika kolica z smokiće i na vrj nametano toalet papera. Pa kao kam si išel da si nuz put stal kupovat v jebeni Ormož? Veli on nikam, išel sem direkt samo v šoping. Tak je Bunc i službeno prvi foodmigrant novog doba z našega kraja.
Mi se krenuli sprdati z njega i norca delati na sakakovo, a gledi nas denes. Denes tj. v petek ljudi neso išli v dućane da bi srednjega prsta pokazali na visoke cene. Manem se ja denes one sprdnje prema ideji da je pajdaš išel v Sloveniju po kurtone (ma šalim se, mislil sem na cvebe, ulje i sl.). Pitam ja vas – dal je nami Slovenija nova Mađerska? Ormož novi Čurgo i Barč? A jel se zmislite kak je to negda bilo? Neje nama ovo nikaj novo!
Ja sad sebe vidim kak rivljem ona kolica z 100 DM (dojč mark) v žepu. Digitron v ruke i odbrajam Forinte da ne prejdemo tu magičnu cifru od 100 DM jer bi se sramotili na kase, a red dugaček. Ja sem redovito zajebal ili krivo cifru dva put tukel ili mi se digitron vgasil. Mislim da sam čak o tom pisal, al kak ne bi opet, jer to je trauma do kraja života. Retko sem se z ženom svadil, al v Mađarske navek. Se novce kaj smo premenili bili smo dužni i potrošiti i bili v Njačkanjiži ili v Nađtatu, navek se stalo pred granicom v „štagelj“ potrošiti do zadnjega filera. Tam se pobirala ona gumijena salama, čokolada za kuvanje v paketu ko giter 5, ili pak on 2 litre karnister soka za slaganje od kiwija koji je zube farbal sakom detetu. Poanta je da je 100 marki nekaj vredelo, a sad 100 € baš više nikaj.
Jel mi pemo sad v Slovenijo v šoping ili nazad v Mađarsko po bombice za soda-vodu i svrbežljive veste, cipele koje se do granice raskelje? Nemam ja pojma, al vidimo si da neje dobro. Mislim ok, svi bi mi visoke plaće pa kao moraju i cene biti visoke da bi se težake imalo od čega platiti. No ja se v ekonomiju ne razmem, jer da se razmem, ne bi sad, dok vam ovo pišem, v žepu imal samo 37 €. Ono kaj se razmem je da postoji nekaj kaj se zove nameti, od čega živi država, općine i slični aparati. Nameti se ne zovu nameti jer je to nekaj dobro. To je nametnuto, a od toga se opet daje preveć kojekakve nametnike koji nit delaju, nit koriste. Svaka čast svima na „državnim jaslama“ koji nekaj delaju i trude se. Ima takvi puno, no ima i nametnika koji rasipaju novce prek preveč. Svaka čast onima koji na moru delaju i izdaju račune, svaka čast svima koji plate PDV . Moremo mi bojkotirati dućane do kraja sveta i veka, al nam za tri dana rit bude gladna. Bojim se da je onaj Dabro pucal v krivu stran.
