piše: Vladek Antolaš – MASTERMIND
Država se po stoti put „spašava“ na birtijama. Da mi je samo upoznati mozak koji je splaneral ovu novu fiskalizaciju napojnica (bakše, tringelta). Te den dok je nešce to zmislil, pamet neje stolovala na ovomu svetu. Ok, trebalo je rešiti napojnice kod kartičnog plačanja, al su se ovi polakomili i za gotovinsku bakšu koju konobarice i konobari dobivaju na dobru uslugu, osmijeh i lepo dupe (to je stvarnost). Nekad su konobari tringelt nametali v čašicu kraj kase da bi ju sad morali skrivati od gazde i od porezne. Zakaj bi ju skrivali pitate se? Pa zato jer ko normalan bude čekal mesec dana da mu gazda fiskalizranu bakšu vrne na račun, a svaku bakšu je dobil direkt na ruke od gosta. Sad bi novci trebali putovati od ruke gosta v kasu pa v banku pa z banke na račun pa tek onda da si konobar to digne na bankomatu.
Svako normalen bude skratil taj put i mam si novce skril. Ima opcija da se taj tringelt isplati mam na kraju smene, no to pak za sebom vleče puno paperov. V tom se slučaju navodno moraju pisati isplatnice i voditi „paralelno“ knjigovodstvo, a to pak ne paše nit gazdami nit knjigovođama. Pisati papere za euro i dvajst centi je besmisleno jer paper više košta. U igri glup i gluplji bude jedino inspekcija tržila, koja bude oplela po svima „zainteresiranima“ u tom krugu. Sve samo da se najaši malog čoveka, u ovom slučaju konobarice i konobare. Koga boli kita ko je koliko kome poklonil centov ili eurov ako je već na te novce porez i prirez i kurac i palac plaćen kroz doprinose i plaće svakog od nas. Ako oću hititi novce v Manduševec, jel se i na to bude porez plačal kak i na ovo ak se oću pokazati ko baja pa zahititi na šank i reči „Vredu je!“. To je porez na poklon i maltretiranje sveta. A kaj budu harmonikaši na svate isto fiskalizirali tringelt ili budu napisali odluku na harmoniku „NE ZATIKAVAJ!“.
Jel bude i policajec moral prjaviti svaki „tringelt“ ako mu se zatekne da po starom hrvatskom običaju malko zažmeri na prekršaj? Možda se porez bude plačal i na aldomaš dok se dobro krava strži ili dok se dober posel pogodi? Mene čak više zanima kulko milodara sme cirkva skupiti pri svake meše, a da se ne oporezuje? Zaprav, svaka bi konobarica morala imati škrablicu i napisati da skuplja milodar za cirkvu jer se na to porez ne ubire. Kak cirkva ima rešen milodar na karticu? Sad bude moja mama rekla pa to kaj ja dam cirkvi to je moja volja. Pa tak je, draga mama, i moja volja konobarici dati za štranple i vu to se država ne bi morala petljati. Znači dvostruka merila. Za jedne vredi jedno, za druge drugo. Pop sme primati tringelt v gotovine, a konobarica ne bi smela?
Mesto da se država bavi ugostiteljima koji nakon svake sezone na moru kupe stan za keš u Zagrebu, oni budu otimali sitne novce koje si konobari skupe za gablec i cigare. Em ti život. Najgore od svega je to da su ljudi shvatili da bakša ide mam Plenkoviću, sad im je šteta uopće dati. Tringelt i dalje ide konobarima, no samo je kompliciran put od vaše ruke do žepa dragih ljudi koji nam nose pićenca. Najžalosnije je da sve mora biti pod budnim vatrenim Sauronovim okom brata Plenkovića. Jebeš državu koja bu od bakšiša živela.
