piše: Vladek Antolaš – Mastermind
Kao prvo, baš od srca podržavam drage susede Srbe da si slože državu po svojoj meri jer im se režim nit nakon 30 let nije pomeknul od IMT 533. Zadnje su bežali od nas na IMT-ima 1995., a sad iste te traktore parkiraju pred Skupštinu kao branu protiv svoji ljudev. Znači ranom na ranu, no to neje sad tema. Prošlu subotu, 15., „PUMPANJE“ je bilo na zavidnom nivou i sad se dinsta po cele Srbije. Severina je neki den v Ljubljane obula opanke i nateknula crvenu rukavicu za podršku studentima Srbije, a bude pri nama na Picokijade i eto potencijalne zavrzlame. Pri nam se nigdar ne bi smelo Srbijance podržati i ko zna kak budu branitelji Đurđevca (pogotovo onaj jeden Lacijev najpametneši) na ovo ragirali. Da se ne zaboravi ili da se ne bojkotira koncert Severine iz nekih suludih nacionalističkih stavova.
Ako si pak razmislite da je „PUMPANJE“ v Srbije protiv Aleksandra Vučića, koji je hodil po „naše“ SAO Krajne i nanašal gajbu pive za Šešeljom dok su huškali naše Srbijance, onda je i to ok. Minimum kaj se more priznati da i naši najcrneši nacionaliste ipak podržavaju rušenje ovakve vlasti v Srbije, a i nekima je lepo da Srbin na Srbina nagoni. Svako ima svoje razloge da podrži „pumpanje“. Ja sam za da se demokracija širi i baš podržavam susede, makar kaj vi mislili o tome. Paralelno z tem, dok Srbijanci „pumpaju“, mi memremo dva petka za redom bojkotirati štacune. Bojkot koji je bil prošli mesec je ko mlaka voda ili zlapljena rakija. Nema pomaka nit efekta. Jednostavno nemamo volje pogledati probleme direkt v joči. Mi bi da treba iti na ulicu menjat stvari poslali Nepalce, da i to odelaju mesto nas. Mi smo ipak gospoda iz Europe. Nama je zaprav jako dobro kak mi zgleda. Kaj bi moglo nas naterati na „pumpanje“?
Kod nas bi prva pobuna bila ako bi ugradnja umetnih nokti narasla z 25 na 55 € ili ako bi se po proščenjima prestali tržiti oni languši. Nas nemre rasrditi korupcija i nepotizam, nemre nas rasrditi niti bogaćenje lokalnih šerifa na kičme malih ljudi. Mi smo se po gospodski navčili trpeti našu demokratiju. Naši Vučići ništ menje ne seru nit menje lažu, samo možda profinjenije i više v celofan zamataju pa nam je to sve nekak ok. A kaj bi mi i da zutra krenemo rušit HDZ-a? Zakaj uopće? Pa stranka je ionak osuđena na sudu. To su civlizacijske tekovine. Zakaj da se bunimo ako nam je ministar pucal po selima z Kalašjikova, pa i on je čovek. Dobil je demokratske packe. Nije valjda da nas visoke cene smetaju, pa za to smo imali bojkot, a i to smo zbrljali i više ga se nišče ne seča.
Jedini spomen na ovu kolumnu bude rasprava jel se piše Srbin ili Srbijanec kak se pri nam na selu govori, a to kaj smo u govnima do grla, to nas ne jebe. Možda bolje da ne potičemo Srbiju da se okrenu demokraciji i Evropi jer mi sami znamo kak nam je „bolje“ v Evropi. Barem su nam cene evropske ak nesu plaće i sad nesmo obična sirotinja, neg evropska pa bi tak i oni mogli ziti. Ovak su svoja sirotinja, a ne tuđa ko mi. Imaju oni od nas kaj navčiti, a jesmo mi sad kaj navčili od Srbijancov? Pumpaj, dinstaj brat Srbijanec!
P.S. Iskrena sućut za 16. žrtvu korupcije.
