piše: Vladek Antolaš – MASTERMIND
Mnogi ste na mom Facebooku čitali kak sam zišel na putu na more. Bil truden, pospan, još sem uspel jesti i skeljenu janjetinu tam negde oko Slunja. No nebitno, bitno je to da sam si sam kriv za sve. Da sam još otišel na plažu i platil 20 € za upad na tu istu plažu, i to bi si bil sam kriv. Da sam dobil apartman s klimom, al bez daljinskog, i to bi si bil sam kriv. Da sam dobil vlažnu kampicu koja vonja po turistima od prije, i to bi si bil sam kriv. Da mi se lasi od turista prije namataju na natikače po kupaone, i to bi si bil sam kriv. Da pišanje platim 7,5 kn tj. 1 €, i to bi si bil sam kriv (sreća jedina je da morem i srati za iste novce).
Kaj si more čovek od turizma očekivati, za sve si si sam kriv? Ne velim ja – ima puno više dobrih iznajmljivača na Jadranu, kak i restorana putem do Jadrana. Razlika je u tome da nas jedni tretiraju i zgrinjaju ko bike v tovilište i idu na količinu, a drugi su ipak ostali na ljudskom nivou i tetoše nas i maze ko šopane guske. Stvarno naš (njihov) turizam ima dve strane medalje. Sve više narod jamra i preispituje kaj je pravo, a kaj krivo dok nas ugoste na moru.
Možda je ipak v meni problem jer sam malo stareši pa me seka saka dlaka. Ja se još sečam da je šampon pekel za joči, eto kuliko sem star. Sečam se ja i dolazaka na more i putovanja po cele dane nas 6 v Renault 4. Svejedno smo, tak zbiti i ošvicani, išli z veseljem i neje nas mučilo Lučko i kulka je kolona jer je kolona bila točno od Karlovca do Obrovca. Ov autoput je samo ubil putovanje jer se ljudi zdrknu i na brzinu bi spojili slobodne dane i došli v dve tri vure na more, a to nema čara. Sečam se kak su magarci slobodno hodali okolu i revali. Jeden si je nabil limenku od kuvane šunke na papke pa je klopal kak je išel tam negde po Vinjercu. Raj je bil jesti one kupine crne kak crni svemir, a i dobiti batine je bilo dobro dok smo omusali i sebe i lače jedine, kratke.
Raj je bilo starcima uspoređivati tuduma z kujunđušom. Plaže su bile prirodne i ježincov je bilo širom. Neje se nasipaval šoder koji bi vam v gaće vlezel. Babe v to vreme nesu v Lidl išle po paradajz i prodavale pod domaće, čak nesu štele ni prodati jer su imale malo i za sebe. Sečam se da je vunjica Janica jemput hobotnicu v plićaku vlovila z obrisačem namotanim na ruku.
Pekli smo ju i bila je bolja neg denes v svim restoranima sveta. Tak je to negda bilo i šteta da se turizam okrenul naopak. Eto, ko da sem se obudil, niš mi neje jasno kak se sve premenilo, no verujem u ljude i znam da tam ima puno više Dalmatincov dobre duše koji još navek speču ribu gostima na gradele. Zapravo, poruka ovoga teksta je da u ovo moderno doba morate pisati recenzije i samo po istini jer svi moraju znati ko je govnar u turizmu, ko ne čisti apartmane i ko nas nuz magistralu časti z glenjavim mesom, a opet da pofalite sve one dobre ljude koji nam iznajme ispravne i mirisne apartmane i još navek znaju da Podravina neje Slavonija nit Zagorje. Jel pišete recenzije?
FOTO ilustracija
