Piše: Vladek Antolaš – Mastermind
Kolumna je prvotno objavljena u tiskanom izdanju Podravskog lista
Soze su mi spale od sreće. Idu izbori! Sad se kuva v kotlu politike, polagano se kuri pod njem sve dok ne zavri. Prvo je oporba v Hrvata dala na glasanje raspuščanje Sabora i to je odbijeno, da bi se pozicija za par dana kakti sama dosetila da treba raspustiti isti Sabor. Norčenje na najakše, a sve pred našim jočima i za naše novce. No sad je vreme da se debele guske vrat maže. Kreče ringešpil budalaština i taština vekši od najvekšega ringešpila na Molvaj za Veliku mešu. Ovo pišem da se pripravite kak se spada i na vreme. Da ne bi posle bilo da ste prespali ili da ste se kesno setili. Neje uopće bitno jel pete glasat na ovim prvim izborima ove godine jer naši glasi posle izbora ionak nikome ništ ne vrede jer se ciganija i trženje žetonima svejedno odvija posle. Znate kaj je bitno? Bitno je ovo predizborno vreme, da se odlučite kome budete išli pljeskat na predizborne skupove i kome budete plakate lepili. Možda bolje i da se učlanite v koju stranku. To je bitno da vas primeti neka politička njuška da bi posle izbora, ak vaš odabir pobedi, lekše zaposlili svoje koje tuljavo kumče ili šogora. To je bit i esencija predizbornog vremena u nas Hrvata. Znači od denes pratite i čitajte reklame de se bude održalo kakvo kuvanje kobasic od strane omiljene stranke, pa i ak vas nikaj od politike ne zanima, tacna z kobasicom na koju je senf nakeljen navek dobro dojde. Možda bude ko i girice pekel na kotlu pa eto, razlog više da se dojdete ogreti na političko sunce. Ak neste do sad, sad je vreme da se kojem gradonačelniku ili načelniku općine krenete pozdravljat z osmjehom na vulice ili v našem slučaju, predsedniku gradskog vijeća. Rečite im kak su zguraveli, kak imaju lepe guste lasi makar su odozgor ćelavi ko fratri. To mnoge veseli i to bi vam mogla biti karta za novo radno mesto ili, ak nikaj drugo, da vam prije nego drugima pošodre kojega puteljka prema mekote. Najjakša taktika vam je da obidete sve predizborne skupove i akademije, da vas sve strukture primete da ste njihov igrač tak da se morete postaviti ko nezavisni i svoji jer opet vas ko glasača do zadnjeg svi trebaju. Obavezno pratite stranačke liste i najdite načina da se dodvorite barem prvih pet na toj listi. Najdite načina za slučajni susret pa čak im i neku šunkicu za vuzem pošljite ili domaćega tormana im nakopajte jer oni to vole i cene, da ih narod hrani. Eto, ak sam vam pomogel, meni drago. Nemojte biti ko ja da vas nišče ne voli, nemojte slučajno istinu govoriti pred njima, jer istina ih boli. Nemojte se naivno nadati da budete kaj zmenili v njihovom ponašanju jer ipak smo mi samo Hrvati i Podravci. Lepo se dodvorite kome stignete jer se saki naš čovek navek premeni dok je na vlasti pa tak ak ste s tim na čisto, ne budete se razočarali kak sam se ja. Na nivou države je ionak večna borba između Hercegovcov , Dalmatincov i Bosancov, a Podravce se malo kaj pita. Haha, to lutko, idu izbori!
