Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije
"Bakrene ne primam, a paperne slabo viđam"

LIMITATOR: Ste se navčili na eure kak spada?

Piše: Vladek Antolaš – Mastermind

Fanj je Drave oteklo ispod Repaškoga mosta od kad smo na euro prešli no ja vam morem priznati da i dalje muku mučim i neje mi selo do kraja.

Muka prva  

Optom gošće blejim v on kusur kaj mi konobarica vrne dok platim kavu (a retko ju plačam). Hipnoza nastaje dok me zaslepi svetlost žotakov koje treba prebrati na soncu da se tringelt ostavi i eto muke jer dva žotaka moru biti i prek nekadašnjih sedam kuna, a to bi bilo preveč. Moru dva žutaka biti i kunu i pol pa je već ok a nemre se reči da nesi ostavil nikaj. Bakrene eure ni ja ne primam, a paperne slabo viđam, pogotovo one velike – v te se ni ne razmem. 

Muka druga 

Kruvek je sad povoljen po ceni 1,2 pa sve do dva eura i meni se čini normalna cena, al dok se setiš da bi to moglo biti 15 kuna za jeden kruv koji vec zdavna nema kilu pa dok kupuješ kilu kruva, kupiješ 500 g testa, onda je bogme i puno. Nedal Bog da se primeš za kakov z semenkama posijan ili ručno mešan jer je to mam na tri eura pa ti se zgubi saki tek. Ma da je po dva eura, na kraj godine to zide prek 5000 kuna,  jel ti frtalj ili pol kile za gablec.

Muka treća 

Išel sam si nekaj malo renovirat i trebalo mi malo lajsne za parket. Tak naiven i smiren kak jesem odletim ja v jeden dučan, zgrabim sedem lajsni onda ih mam vrnem jer su bile grbave pa preberem drugi sedem ravneši i odem na kasu, nuz put do kase sem još dve pikse farbe pokupil i na kase mi kasirka veli cca 80 eura. Meni se presvetlilo, oblejal me znoj, vrnolo se ko mucanje koje nigdar nesem imal i dve noći sem posle toga pišal v postelj. Reko teta tu nekaj ne štima – jel su to zlatne lajsne ili farba? 

Veli ona osem eura komad lajsne od dva metra koje su zadnje dok sam ja parkete postavljal pred ženidbu bile po jenu, dve kune meter. Isusbog kak sam je vračal de sem ih i našel i zel one grbave jer su bile snižene na pol, ko ih jebe budu dobre.

Muka četvrta

Bil sem na Bustrice i naravno išli so z škrablicom i morem vam reči da se čuje svaki cent koji opane za cirkvu, slabo suška no ja sam valjda jedini hotil papernih pet eura s obzirom na grehe svoje, tak da vam neje više jeftino ni k meše otiti a kamoli da bi vmrl i mešu zadušnicu si platil. Ajd dok su vjera i jake emocije vu pitanju onda se ne gledi, čovek navek nekak ponesen svečanim trenutkom pred oltarom da više baš kak i pred harmonikašom dok te z pesmom pogodi.

Narodoučenje 

Rečite vi meni kak vi z euri? Jel su vam plaće vekše i jel za iste te plaće morete kupiti više toalet papera nego lane? Jel vam je 512.346,00 kuna taman, a 68.000,00 evra isto preveć i gda bi to mogli zaraditi tempom kojim delate? Zapravo ova zadnja cifra je uvod u temu koja je ovih dana pukla v Đurđevcu ko dimna bomba, a ja budem pisal već o tome dok se dim i smrad razido.

NASTAVAK U IDUĆEM BROJU….

FOTO: Podravski list

Halo, Podravski!

Imate priču, vijest, fotku ili video?
Nešto vas muči ili želite nešto/nekoga pohvaliti?
Javite nam se!

Promet usporen

UPRAVO Lančani sudar na brzoj cesti kod Križevaca, ima ozlijeđenih

đurđevački limitator

Big Boss Špiro (Majk)

županijski nogomet

FOTO Močilani i Herešinčani se provukli, Lipa iznenadila, Sabarija pala u Koledincu

prijeti mu i do pet godina zatvora

FOTO Optužen Podravec koji se autom zaletio u terasu na kojoj su sjedili ljudi

ASFALTIRANJE U TIJEKU

FOTO Zagrebačkom ulicom ponovno će se prometovati kroz nekoliko dana

TUŽNA VIJEST

Napustio nas je Miljenko Vulić Deda, ostavio je neizbrisiv trag na sportskoj sceni Koprivnice


Search

Upišite pojam koji želite pretraživati