piše: Vladek Antolaš – MASTERMIND
Dolaze izbori za Evropski parlament i na tu temu ja nemam puno kaj reči nit pisati. Ako pem glasat, velim ako, to budu prvi izbori te vrste za mene. A zakaj bi ustvari išel? Možda ne bi bilo loše da sem se kandideral pa da tam zastupam naše interese. Koji bi to bili interesi? Za prvu ruku, ja bi potegnul pitanje da se zaštiti pijenje pive ispred dućana, na štengaj v Budrovcu, ko nematerijalno kulturno dobro. To je naš dio tradicije i folklora pa Evropa ima da shvati prave naše vrednosti. Jebeš ovo kaj nas teraju da se borimo protiv korupcije i da nam je pravosuđe loše, ovo „na jedne štenge“ treba preferirati. Nadalje, boril bi se pred licem Evrope da nam ne nameču porez na kleti, pogotovo jer je na takvim mestima teško među odrediti. Prava međa se zaprav navek pomikava. Kak koji međaš prekopa prvi, tak je do godine sve dok ju ov drugi ne vrne. Ako misle deti poreza na „plivajuće“ međe, onda su ludi.
Na kraju krajeva, i taj običaj prekapanja međ bi se isto tak moral zaštititi ko nematerijalno kulturno dobro nas Hrvata, Podravcov. Ja bi se još založil da se sve hiže bez fasade isto zaštite, al ovaj put ko materijalno kulturno dobro (jel ste skužili, ovo prije je bilo nematerijalno, a ovo sad pak materijalno). Evropa je željna videti hižu bez fasade, a toga još ima samo pri nami. Evropejci su nama od čiste zavisti i zlobe sve ove godine uvaljivali poticaje za energetske ovojnice (fasade od stiropora) jer su sve svoje hiže sfasaderali i sad im je žal. Žal im je jer mi još navek imamo lepe hiže zidane z jedinkom koja se vidi. Izvorno hrvatsko je to i to treba opčuvati. Ja bi navčil Evropu da nekaj i od nas preuzmu i ugrade u svoj zakon. Prvo bi im rekel da se po slovu zakona ne smedu v istu grabu deti voda, plin, struja, kanalizacija itd., nego se mora kopati za svako posebno i to po istomu mestu, ali tek dok se graba zameče i zasfaltera.
Nek se Evropa navči kak se posel dela i kak se posel čuva. Rekel bi ja njima još da se ukinu izložbe vina na nivou cele unije jer to samo sveta posvadi i ljudima dobra vina ogadi. Vino bi trebalo biti ocjenjeno ko „dobro“ ako ga ima, a ako ga nema, onda ko „loše“. Evo kak je kod nas pa Gradonačelnikovo vino vinare navek dene v nedoumicu. Navek nekom neje prav pa makar je vino i stvarno najbolje, najdu se pametovati da je pobedilo jer je od Kim Jong-unovog kuma. Ima još jedna temeljna stvar koja se treba prerivati pod normalno v Evrope, a to je zdelavanje tuđi drv. Zdelavanje tuđi drv treba isto zaštititi ko neku vrst folklora jer bez toga mi jednostavno nemremo. Ruku na srce, ak čovek neje kadar dojti svoju šumu glet bar jemput sake godine, onda ovi kaj zdelavaju tuđe imaju i prav. Zakaj da debeli grabri prezrele ili zakaj da agacija počne trunuti z nutra jer vas neje briga. Prije bi ipak otišel v Budrovec na „štenge“ pivu pit nego na Evropske izbore!
